我發覺得今年真係黑到不得之了...

先排就係0的牙, 依家又有新野, 話說我近呢一個月, 覺得左面pat pat有0的痛, 咁有時坐低起身, 條腰直唔到, 要彎一陣先可以企直, 咁我就冇理佢, 因為有時我M 黎之前都係咁, 不過呢個星期開始, 我除左坐低起身痛之外, 連我訓覺都會痛醒, 只要我訓住一邊唔郁0既時侯, 我條腰同個PAT 就會好痛...

之後唸左好奈睇咩醫生, 有朋友叫我睇脊醫, 但係我知道脊醫好貴, 所以我就打消左呢個念頭, 其實我又懷疑我舊年鄧親條尾龍骨, 可能係後患, 但我痛0既地方又唔係0個度, 後尾我唸住近近地去左我公司附近0個個跌打師傅度睇, 之後佢就一輪咀講左好多野...

佢話我呢0的唔係扭親唔係舊患, 係坐骨神經痛, 其實之前我都有懷疑過呢樣野, 點知真係, 嗨, 真係麻鬼煩, 佢話要針灸先好, 我係下晏食飯時去睇佢, 咁我話我好易暈, 跟手又要番工, 所以我就同佢講, 遲0的先去針, 咁佢就開藥比我同埋幫我敷左0的藥, 講真, 係針都唔搵佢啦, 所以我咪周圍問人有咩針灸師傅好LA...

我有朋友介紹一個比我, 但要500蚊一次, 我覺得太貴了, 而且起碼要針十次先有用喎, 所以我又再問其他朋友, 今日同一個朋友講起, 佢話佢同事有個針灸師傅好好, 0係黃大仙醫院0既, 仲要150蚊一次, 平爆啦, 所以我就打去BK, 不過星期六滿晒, 我要再BK下星期六囉....

如果大家有咩好0既針灸醫生好, 或者有咩方法對呢個病好0既, 不妨同我講呀, 謝謝